პარტია “ერთიანი საქართველო – დემოკრატიული მოძრაობის” გენერალურმა მდივანმა, გიგლა ბარამიძემ პარტია და პარტიული თანამდებობა დატოვა, ამის შესახებ ის სოციალურ ქსელში წერს.
“ძვირფასო მეგობრებო, დიდი სიყვარულით გილოცავთ ძველით ახალ წელს. ამავე დროს, მსურს, გაცნობოთ, რომ ჩემი მოღვაწეობის ერთი ეტაპი დასრულდა. მე დავტოვე პარტია “ერთიანი საქართველო – დემოკრატიული მოძრაობა” და გენერალური მდივნის თანამდებობა. მადლობა ჩემს კოლეგებს. ყველას გულით ვუსურვებ წარმატებებს. წინ საინტერესო დრო გველის,” – წერს გიგლა ბარამიძე.
